Poznati akademski slikar Aldemar Ibrahimović podržao Crno na bijelo

Aldemar Ibrahimović

Poznati akademski slikar Aldemar Ibrahimović podržao Crno na bijelo

Poznati akademski slikar, Aldemar Ibrahimović, podržao je danas platformu Crno na bijelo, saopštili su iz te koalicije.

Ibrahimović je odlučio podržati platformu Crno na bijelo isključivo zbog principa za koje se ona zalaže.

„Cijeli svoj život pokušavam dati doprinos promjenama kroz promociju i afirmaciju univerzalnih vrijednosti. Pet osnovnih principa platforme Crno na bijelo su mi u potpunosti prihvatljivi i sanjam državu koju će voditi stručni i moralni pojedinci. Samo na taj način možemo ostvariti naš puni potencijal, zaštititi sve identitete i uživati u bogatstvu različitosti koje Crna Gora personifikuje“, naveo je Ibrahimović.

Iz koalicije Crno na bijelo ističu da ih posebno raduje sve veća podrška koju dobijaju svakodnevno od velikog broja građana.

„Raduje nas sve veći broj istaknutih javnih ličnosti koji daju podršku našoj platformi. Danas nam posebnu čast pričinjava što podrška dolazi od poznatog akademskog slikara iz Rožaja, Ademara Ibrahimovića. Vrlo prepoznatljivim stilom i radom Ibrahimović je dao nemjerljiv doprinos i ostavio trajni pečat u razvoju kulture Crne Gore, naročito koristeći motive koji su karakteristični za sjever naše države“, zaključuju u koaliciji Crno na bijelo.